Энэ жил математикаар ЭЕШ өгөх сурагчдад зориулсан математикийн АНХАН болон ҮНДСЭН шатны сургалтууд 2022.02.15-нд эхлэх гэж байна. ҮНДСЭН шатны сургалтад хамрагдахыг хүссэн сурагчид доорх линкээр орж шалгалт өгөх ба 50%-аас дээш гүйцэтгэлтэй байх шаардлагатай. Хэрэв 50%-аас доош гүйцэтгэлтэй бол анхан шатны ангид бүртгүүлээрэй.

Шалгалтаа өгсөн сурагчид 77115400 дугаарт залгаж бүртгүүлнэ.

ЭЛСЭЛТИЙН ШАЛГАЛТ

ЗӨВЛӨМЖ. Уг сорилд ирэх бодлогуудад ашиглагдах зарим мэдлэгээ эргэн санаарай.

1. Виетийн теорем. $x_1,\ x_2$ нь $ax^2+bx+c=0$ тэгшитгэлийн шийдүүд бол $$\begin{cases} x_1+x_2=-\dfrac ba\\ x_1x_2=\dfrac ca\end{cases}$$
2. Арифметик прогрессийн эхний $n$ гишүүний нийлбэр $$S_n=\dfrac{a_1+a_n}2\cdot n$$
3. Геометр прогрессийн ерөнхий гишүүний томьёо $$b_n=b_1q^{n-1}$$ Эхний гишүүний нийлбэр $$S_n=\dfrac{b_1(q^n-1)}{q-1}$$
4. Логарифм. $a^k=b$ бол $$k=\log_ab$$
5. Пифагорын теорем. Тэгш өнцөгт гурвалжны катетууд $a,\ b$ ба гипотенуз $c$ бол $$a^2+b^2=c^2$$
6. Магадлалын нэмэх дүрэм. $$P(A\cup B)=P(A)+P(B)-P(A\cap B)$$
7. Шүргэгч шулууны тэгшитгэл. $$y=f'(x_0)(x-x_0)+f(x_0)$$
8. $z=a+bi$ комплекс тооны модуль $$|z|=\sqrt{a^2+b^2}$$

АНХААР.

1. Сорилд оролцох төхөөрөмжийн цагийг УЛААНБААТАРын цагаар буюу UTC +8.00 гэж тааруулсан байх шаардлагатай.
2. Оролцогчийн тооноос хамааран сорил эхлэх болон дуусах мөчид ачаалал ихсэж гацах магадлалтай тул түр хүлээх, ялангуяа хариу илгээх үедээ ТАНЫ ХАРИУЛТЫГ ХҮЛЭЭН АВЛАА гэсэн бичиг гартал өөр товч дарахгүйгээр хүлээгээрэй.
3. Өмнө нь сорилд оролцож үзээгүй сурагчид энэ товч дээр дарж заавар үзээд бусад төлбөргүй сорилуудад оролцож, дадлагажаарай. Үнэ төлбөргүй бүртгүүлж, нэвтэрч ороод https://imath.mn/soril/75 ангилалын эхний сорилыг ажиллаж үзээрэй.